КУЛА – Општинска комисия за пририхтованє Рочней програми за защиту, ушоренє и хаснованє державней польопривредней жеми тих дньох обявела Явнху повoланку за витворйованє права на першенство на аренду державней жеми на основи польопривредней инфраструктури и хованя статку.
Комисия поволує шицки правни и физични особи котри власнїки функционалних системох за наводньованє и одводньованє, рибаловох, вецейрочних овоцнїкох старших од 3, а младших од 15 роки у роду; власнїкох винїцох старших од 3, а младших од 30 роки у роду; функционалних польопривредних обєктох (польопривредней инфраструктури) хтори ше находаз на державней жеми у општини, як и власнїкох обєктох за хованє статку – же би доручели документацию о праву на першенство за аренду на державней жеми.
Документацию треба придац найпознєйше по 30. октобер того року, а формулар за вимогу кажди дзень мож превжац у Општинскей управи. Информациї о тим мож достац у Општинскей управи Кула, у канцелариї ч. 303 на трецим поверху, як и на веб-сайту Општини Кула – www.kula.rs
Явна поволанка виложена и на огласних таблох у шицких месних заєднїцох у кулскей општини, а обявена є и у новинох „Кулска комуна”.