БЕОҐРАД – Дирекция за робни резерви Сербиї вчера сообщела же одкупи 51 256 тони кукурици тогорочного роду по 16,50 динари за килограм, з ПДВ, пише Бета, а преноши РТВ.
Кукурица будзе одкупена од реґистрованих польопривредних ґаздовствох и землєдїлских задруґох.
Физични особи можу предац найменєй 10, а найвецей 100 тони кукурици, док задруґи найменей 20, а найвецей 200 тони.
Одкуп кукурици за робни резерви будзе прейґ Продуктней берзи у Новим Садзе, а виплацованє до 15 днї од дня доручованя цалосней документациї, односно подписованя контракту з предавательом кукурици.
Предавателє ошлєбодзени од плаценя берзовей провизиї, а плаца трошки транспорту по овласцене складзиско и трошки анализи квалитету кукурици.