Державна управа сама будзе зберац податки за видаванє документох

автор ртв/зам
1.1k Опатрене

БЕОҐРАД – Министерка державней управи и локалней самоуправи Кори Удовички виявела же од 8. юния, по Законє о общим управним поступку, державна управа при видаваню документох од гражданох вецей нє будзе питац податки хтори уж ма у службених евиденцийох.

Министерка додала же ше гражданє годни жалїц кед им з державней управи буду питац податки котри уж маю у власней евиденциї. Закон предвидзує и кари за службенїкох, кед граждан прида прияву о потупеню.

– За початок обчекуєме же управа престанє питац информациї хтори ше находза на леґитимациї, односно кресцени писма, державянство и доказ о пребуваню – визначела Кори Удовички и наглашела же з леґитимацию нєт потреби окреме приношиц и спомнути виводи.

Гражданє буду придавац вимогу, а документ будзе обезпечовац державни орґан з урядових евиденцийох. Гражданє буду ошлєбодзени и од плаценя такси за документи.

Подполне применьованє Закона почина од юния 2017. року.

ПОВЯЗАНИ ТЕКСТИ