До Школи „Петро Кузмяк” вчера уписани скоро шицки школяре

автор маф
958 Опатрене

РУСКИ КЕРЕСТУР – До керестурскей Штреднєй школи „Петро Кузмяк” вчера, перши дзень упису до штреднїх школох, уписали ше скоро 80 одсто од 65 школярох котри розподзелєни до трох напрямох тей школи.

 По першим розподзельованю школярох на основи лїстинох жаданьох обявене же до руского оддзелєня Ґимназиї розподзелєни 23-йо, дзе 21-ому то було перше, а двоїм школяром друге жаданє. До сербского оддзелєня Ґимназиї розподзелєни 17-еро школяре, а до оддзелєня Туристични технїчар 25-еро школяре. Упис до штреднїх школох будзе занкончени нєшка на 15 годзин.

Вчера почал, а тирва по 14. юлий, и упис до Дому школярох у составе керестурскей Школи, хтори ма капацитет 80 места.

Вчера було и виполньованє лїстини жаданьох за други уписни круг за места хтори останю шлєбодни у школох, а други уписни термин будзе 9. юлия.

 

ПОВЯЗАНИ ТЕКСТИ