Дружтво Руснацох участвовало на „Завичайних дньох”

автор зам/ига
817 Опатрене

СУБОТИЦА – Шпивацка ґрупа Дружтва Руснацох у Суботици пияток, 11. септембра, участвовала на манифестациї „Завичайни днї”, хтора другираз отримана у Суботици, у орґанизациї Союзу сербских здруженьох Сивернобачкого округу, а з потримовку Городу Суботица.

7-Subotica-02

Шпивацка ґрупа Дружтва Руснацох на отвореней сцени на городскей площи одшпивала три руски народни шпиванки з хторима достала и Специялну награду на тогорочним Фестивалє „Най ше нє забудзе” у Дюрдьове – „Вежнї зайду”, „Чарни очка поце спац” и „У заградки шалата”, под фаховим руководительством Мирона Сивча.

7-Subotica-03

Манифестация „Завичайни днї” у Суботици тирвала цали тидзень, од 5. по 12. септембер, а отримани литературни вечари, историйни трибини, вечари жридловей музики, наступи фолклорних ансамблох, концерти, та спортски змаганя.

ПОВЯЗАНИ ТЕКСТИ