ВЕРБАС – У вербаским КПД „Карпати”” всоботу, 25. априла госцовала дзецинска представа „Дурнїло” КУД „Тарас Шевченко” з Дюрдьова. Представу, хтору по мотивох приповедки Мирона Будинския драматизовал Яким Олея, режирал Яким Чапко.
Було то треце виводзенє тей дзецинскей представи, понеже после премиєри у Дюрдьове участвовала на Драмским мемориялє Петра Ризнича Дядї у Руским Керестуре, а режисер Чапко визначел же з представу плановане обисц цо вецей нашо места.
У публики у Вербаше найвецей було наймладших, у чим помогла и учителька Славица Мали, котра на представу приведла школярох з ОШ „Светозар Милетич”, „20. октобер” и „Братство-єдинство”.