ДЮРДЬОВ – Концом того тижня у дюрдьовскей грекокатолїцкей церкви будзе закончене ушорйованє площи и єдна часц дражкох у парохйним дворе. Роботу финасую Општина Жабель и парохия, а за трецу часц, за хтору будзе купени нови бехатон за площу опрез церкви, потребне назберац средства.
– Поволуєм шицки гражданох и парохиянох добрей дзеки же би помогли з пенєжом за купованє нового бехатону. Учасц годно дац членом Церковного одбору у парохийним доме кажду нєдзелю по Велькей Служби. Потребне назберац 2 000 еври, а акция будзе тирвац по Вельку ноц – гварел член Церковного одбору и його касир Владо Кухар.
Општина поставянє нового бехатону на площу финансує з 500 000 динари, а парохия финансує поставянє старого бехатону з площи на дражки медзи церкву и парохию.
