Закончена жатва ярцу, жатва жита почнє коло 1. юлия

автор маф
787 Опатрене

РУСКИ КЕРЕСТУР – Дзень пред вчерайшим дижджом и пременку хвилї, у керестурским хотаре жатва ярцу закончена на коло 95 одсто поверхносцох – оценюю фаховци з двох керестурских подриємствох „Юарбису” и „Аґро-Хома”.

Тогорочни урожай пивского ярцу барз добри, бо штреднє плацел коло 4 тони по гольту, док урожай статкового ярцу дакус менши, алє обидва з добрим квалитетом зарна – гварел Славко Малацко з подприємства „Аґро-Хома”.

Жатву ярцу подобно оценєл и аґроном Владимир Тиркайла з „Юарбису”, дзе кооперанти того подприємства мали 20 гектари под тоту житарку. На добрих жемох и з добрим нашеньом, урожаї були понад 3,5 тони по гектаре.

Жатва перших поверхносцох под житом у керестурским хотаре годна почац коло 1. юлия, як и предвидзоване, а того року керестурски парасти пошали вельо менєй жита як скорей.

ПОВЯЗАНИ ТЕКСТИ