ҐОСПОДЇНЦИ – З нагоди означованя 75. рочнїци побиди над фашизмом, памятнїк котри ше находзи у Спомин парку Авионске кридло при Єґричкей у Ґосподїнцох достал нови випатрунок, дзекуюци сотруднїцтву Амбасади Русиї у Републики Сербиї, Покраїнского заводу за защиту памятнїкох и Месней заєднїци Ґосподїнци, односно Општини Жабель.
Пред обнавяньом исновала лєм спомин плоча котра остала иста, а по обнавяню опрез нього поставена велька мраморна плоча, коло нєй и з драги по ню дражка з бехатону. Коло памятнїка посадзене желєнїдло.
Обнавянє памятнїка финансовал Ґас транс доо Нови Сад, а на спомин плочи назначена подзековносц борцом геройом Югославиї и Червеней армиї.