Закончена перша часц конзервациї неґативох на склу

автор маф
837 Опатрене

РУСКИ КЕРЕСТУР – Вчера закончена перша часц длугорочного проєкту конзервованя склєняних неґативох дакедишнїх керестурских фотоґрафох Осифа и Йовґена Будинскових-Бруґошових, цо того року робене на три заводи. Неґативи ше находза на керестурскей парохиї, та су там и скенировани.

Дотераз зняти 350 неґативи, цо штварцина цалосного материялу, а на тих роботох були ангажовани етнолоґ-конзерватор др Миряна Дєкич, историчар уметносци Деян Радованович и фотоґраф Неделько Маркович з Покраїнского заводу за защиту памятїкох, хтори и ношитель проєкту.

5-Foto-02

У проєкту участвує и Завод за културу войводянских Руснацох, так же анґажовани и нашо фаховци – историчарка и кустос у Музею Войводини Любица Отич и историчар зоз Зомборским архиву Сашо Сабадош.

Як за Рутенпрес виявели спомнути фаховци, перша часц проєкту закончена як було плановане, а нарок обробени материял плановане презентовац явносци прейґ фото-моноґрафиї и вистави, за цо Национални совит Руснацох и Завод за културу заплановали средства.

По словох Отичовей, значна часц скенированого материялу и идентификована, у чим вельку помоц даваю и новини „Руске слово” з обявйованьом фотоґрафийох, так же влелї особи препознати и на таки способ.

5-Foto-03

ПОВЯЗАНИ ТЕКСТИ