РУСКИ КЕРЕСТУР – Композиция „Залюбени школяр”, авторскей и малженскей пари Михала и Радмили Барна з Руского Керестура, преглашена за найлєпшу спомедзи 12 нових композицийох на тогорочней 47. музично-танєчней манифестациї дзецох „Червене пупче”. Одшпивали ю керестурски трио Иван Рац, Матей Шепински и Борис Жирош.
Другонаградзена композиция „Кура война”, авторки Маґдалени Горняк Лелас, з Нового Саду, за хтору текст написала Мария С. Горняк, а одшпивала ю Сара Надрлянски з Нового Саду.
Трецу награду достала композиция „Любов у оводи”, за хтору и музику и текст написала млада авторка Марини Роман з Руского Керестура, а шпивали ю Теодора Русковски и Йована Казак з Руского Керестура.
За найлєпши текст вибрани за композицию „Космонаут” Весни Надьовей, тераз Медєшовей з Руского Керестура, одн. з Нового Саду, а одшпивали ю Саша Загорянски и Михайло Ковач з Нового Саду.
Попри наградзених, на 47. „Пупчу” виведзени ище композициї „Першираз у байбера” Наташи Фейди, на текст Василя Мудрия, а шпивали Леонтий Сивч и Михайло Рацпети з Руского Керестура; „Чучко” Ани Бучко, на текст Агнети Папгаргаї, хтору одшпивал Михаел Скубан з Коцура; „Хто же рибом кум”, Наташи Фейди, на текст школяра ОШ Иґора Варґи, а шпивали Ивана Планчак, Ана Арва и Леонела Цифрич з Руского Керестура, та „Фейсбукомания”, автора Станислави Будишин, на текст Вида Вицка Вукелича, а шпивали ю Марина Джуджар, Виолета Чизмар и Сандра Джуджар з Керестура.
Шпиванку „Чаривни заглавчок” композитора Юлияна Рамача и текстописательки Меланиї Римар одшпивали Елеонора Дудаш и Яна Настасич з Руского Керестура, а композицию „Ловар” Владимира Дудаша, хтори написал и текст, виведли Виктор Хрин, Деян Гарди, Стефан Варґа и Ацо Зорич з Руского Керестура.
Шпиванку „Дїха, дїха на ґринґох”, младей композиторки Оксани Рамач, на текст Меланиї Римар, одшпивали Валентина Фейди, Марина Рац и Ивана Фейди з Руского Керестура, док композицию „Дїдов погляд”, автора Бору Андєлича, на текст Сонї Папуґа Андєлич, одшпивала Ана-Мария Тамаш з Коцура.
Араншмани за нови компзициї за дзеци витобели Мирослав Пап, Юлиян Рамач Чамо и Бора Андєлич, а матрици за нїх Мирослав Пап и Бора Андєлич.
Нови дзецински композициї оценьовал жири у составе Татяна Колєсар Ґвоїч, Владимир Медєши и Владимир Семан Зеро, а Наталия Зазуляк нови тексти за виведзени шпиванки на „Червеним пупчу”.
Вецей фотоґрафиї з „Пупча” у фото-ґалериї на сайту „Руского” и Рутенпресу.
