ЧЕРВИНКА – Општина Кула, Туристична орґанизация Општини Кула и локални компаниї, медзи котрима червинска Яфа и Цукровня Червинка, орґанизую вельку найсладшу манифестацию „Сладки днї у Шерцу Бачки”, 17. и 18. юлия.
Циль манифестациї нє лєм промоция специфичносцох Червинки як населєного места през забавни змисти, алє и промоция сладкей индустриї по котрей Червинка надалєко позната.
На манифестациї буду виложени шицки продукти тей индустриї, як и других викладачох зоз тей часци Бачкей, а нє будзе хибиц анї богата карневалска атмосфера, наступи познатих шпивачох. Так 17. юлия у вечарших годзинох наступи Лепа Брена, а 18. ґрупа „Hurricane” и Дяни.
За шицких нащивительох манифестациї орґанизаторе обезпечели безплатни автобуски превоз зоз шицких населєних местох општини Кула.