НОВИ САД – Проєкт „Интернет ствари у обласци польопривреди” покраїнского Института Биосенс з Нового Саду и партнера з Голандиї будзе реализовани у наступних штирох рокох на простору Европи и буду го финансовац фонди Европскей униї з 30 милиони еври, поведзене 16. септембра на схадзки предсидателя Покраїнскей влади Иґора Мировича и директора Биосенсу Владимира Црноєвича.
Проєкт ма пошвидшац прилапйованє найсучаснєйшого концепта уводзеня интернет- алатох до обласци поживи и польопривреди, а на тим ше здружели два европски комисиї – за польопривреду и рурални розвой и за информатичне дружтво, гварел Црноєвич.
Мирович з тей нагоди гварел же ше роби о найвекших средствох хтори Войводина достала у обласци польопривреди и ИТ-сектору, а помоц достаню и домашнї мали и штреднї подприємства, у фазох розвою проєкту.