ШИД – З початком нового школского рока почали и годзини руского язика як виборного предмету у двох основних школох у шидскей општини, а виклада наставнїца Златка Сивч Здравич.
По словох наставнїци Сивч Здравич, у ОШ „Сримски фронт” у Шидзе на годзини руского язика уписани 12 школяре од першей по осму класу, а годзини ше отримує пондзелками.
У Подручним оддзелєню спомнутей школи у Бикичу на виборней настави руского язика єст шейсц школярох з першей, другей и штвартей класи, а годзини штвартками на 11,30 годзин.
У ОШ „Бранко Рдаичевич” у Шидзе за руски як виборни предмет опредзелєли ше 12 школяре од першей по осму класу, а годзини ше отримує вовторками.
Як гварела наставнїца Златка Сивч Здравич, у Оддзелєню спомнутей школи у Бачинцох за руски язик приявени седмеро школяре – штверо од першей по штварту, и тройо од пиятей по осму класу.
Наставнїца додала же годзини руского язика виклада и на нашей парохиї у Шидзе, соботами после годзини виронауки, хтору виклада парох о. Михайло Режак.