КОЦУР – Всоботу у Коцуре отримани Мемориялни вечар пошвецени Силвестерови Дорокхазийови Цикийови з нагоди першей рочнїци його шмерци. Орґанизатор Мемориялного вечару було Културно-уметнїцке дружтво „Жатва”, з помоцу Руского народного театру (РНТ) „Петро Ризнич Дядя”.
Фамелия, сотруднїки и приятелє покойного ше перше зишли на новим руским теметове, дзе положене квеце на Силвестеров гроб, а парох коцурски о. Владислав Рац служел панахиду.
Програма предлужена у Доме култури, дзе на платну пущани видео-клипи з представох РНТ у хторих бавел Дорокхази, приказовани и вецей фотоґрафиї, а за тот час о Цикийови, його роботи и медзисобним сотруднїцтве бешедовали предсидателька КУД „Жатва” Танита Ходак, директорка РНТ Ивана Дудаш и Микола Шанта спред НВУ „Руске слово”.
