НОВИ САД – Нєшка ма буц отримана сновательна схадзка Союзу културно-уметнїцких дружтвох (КУД) Сербиї, зоз шедзиском у Новим Садзе, хтори будзе координовац и представяц заєднїцки уметнїцки и културни, та дружтвено-воспитни цилї.
Инициятиву за снованє Союзу порушали представителє вельких КУД-ох зоз Сербиї, а пре витворйованє заєднїцких интересох пред державнима и медзинароднима институциями з хторима сотрудзую. Тоту инициятиву подписали 38 КУД-и.
З нагоди нєшкайшого Дня державносци Републики Сербиї и снованя Союзу културно-уметнїцких дружтвох Сербиї, нєшка на 20 годзин у Сербским народним театру у Новим Садзе будзе и Шветочни концерт, на хторим буду участвовац 14 КУД-и з цалей Сербиї.