НОВИ САД – Асоцияция польопривреднїкох министерски польопривреди Снежани Боґосавлєвич Бошкович послала писмену вимогу же би реґистроване польопривредне ґаздовство було ношитель польопривредней продукциї у Сербиї, и на тот способ зачувало валали од препаданя.
Кед ше приношело Закон о субвенцийох у польопривреди и руралному розвою, Асоцияция ше закладала за тото же би ше одредзело максималну суму субвенцийох и премийох за польопривредни ґаздовства.
Польопривреднїки и тераз вимагаю же би ше огранїчело даваня, односно же би єдно ґаздовство под час рока з рижних даваньох достало максимално 5 милиони динари.