Зоз „Береме ше-так нам и треба“ РНТ отворел програму Меморияла

автор сен
1.1k Опатрене

РУСКИ КЕРЕСТУР – Першу представу на 47. Драмским мемориялє Петра Ризнича Дядї – „Береме ше-так нам и треба – “одбавел Руски народни театер „Петро Ризнич Дядя“, у хторей участвую ґлумци з Коцура, Руского Керестура и Вербасу. Представу по тексту Яна Лазорика режирал Силвестер Дорокхази, а витворена є у копродукциї нашого националного театру з Културно-уметнїцким дружтвом „Жатва“ з Коцура.

Ґлумци представели руски обичай свадзбованя, а на комични способ приказали типични руски менталитет и медзилюдски одношеня характеристични за нашо штредки. Гоч є змесцена до Коцура, може буц у гоч хторим нашим месце, бо ту и нєзаобиходни любопитлїви сушеди, родичи котри сцу „добре одац/оженїц дзецко“ и явни тайни.

По реакцийох публики – представа була удатна, а комбинация ветеранох рускей сцени и младих ґлумцох ше указала як барз добра. То було седме виводзенє „Береме ше-так нам и треба“, з малу вименку у ґлумецкей екипи.

Награду жирия публики за найлєпшу улогу вечара достала Танита Ходак, котра у представи бави два улоги – „Циґанку” и „Свашку”.

Вецей фотоґрафиї на початним боку сайту у фото-ґалериї з Мемориялу.

ПОВЯЗАНИ ТЕКСТИ