Интересантни активносци у „Бамбию”

автор маф
1.1k Опатрене

РУСКИ КЕРЕСТУР –  Дзеци у рускокерестурскей дзецинскей заградки „Цицибан” ПУ „Бамби” з Кули у рамикох Дзецинского тижня, хтори ше означує з мотом „Бриґи нє водзиме, бавиц ше любиме!”, од 3. октобра уж мали вецей активносци.

Нєшка дзеци правя бависка з цеста и пластелину, вчера на креативних роботньох правели бависка з рециклажного материялу, до чого у дзепоєдних воспитних ґрупох були уключени и родичи дзецох.

Други дзень Дзецинского тижня у „Цицибану” тема була „Дзеци у музичних бавискох”, та правели музични инструменти, учели ше танцовац, мали госцох-музичарох зоз своїх фамелийох, а предшколским дзецом музику приблїжели наставнїки з керестурского Оддзелєня Школи за основне музичне образованє Кула.

На початку Дзецинского тижня у шицких воспитних ґрупох, прилагодзено возросту, дзеци зоз своїма виховательками бешедовали о дзецох швета и їх правох, виробели и плакати о тим цо научели, а Дзецински тидзень законча зоз спортскима бависками.

ПОВЯЗАНИ ТЕКСТИ