КУЛПИН – У петнастим колу Подручней фодбалскей лиґи Зомбор, внєдзелю 24. новембра, ФК „Русин” у госцох однєсол побиду над ФК „Кулпин” з резултатом 2:7 (1:4).
Ґоли за Русин на тим змаганю дали: Срдян Дюканович (1), Кристиян Боднар (1) и Деян Давидович (5).
Русин наступел у составе: М. Надь, Д. Веселинович, Б. Голик, Б. Надь, О. Маркович, Д. Будински, С. Дюканович, Д. Давидович, Ф. Вуйович, В. Вуйович, Б. Бранкович, а на замени К. Боднар, Р. Ланчужанин и Й. Гарди.
На концу єшеньскей часци першенства oд вкупно 15 одбавених змаганьох Русиновци зазначели дзевец побиди, штири страцени змаганя, а два змаганя з нєришеним резултатом, як и 48 дати и 26 прияти ґоли.
Так зоз 29 освоєнима бодами, а после пейц побидох зашором, Русин тоту часц сезони закончел на штвартим месце на таблїчки.