Ище єдно преподаванє за заградкарох, нєшка предлуженє Жимскей школи

автор сен
970 Опатрене

УСКИ КЕРЕСТУР – На вчерайшим преподаваню у орґанизациї Здруженя паприґарох „Цапсицум ануум” Керестурцом свойо нови гибриди паприґи и желєняви, пестициди, гної, та технїки у продукциї представели компаниї „Аґроарм”, „Аґриматко” и „Биофор систем”.

„Аґроарм” наявел нови оглядни поля у керестурским хотаре з новима гибридами паприґи, а з применьованьом розличних технїкох у продукциї. Представитель тей компаниї бешедовал и о перспективи вивозу паприґи.

Идуце преподаванє за заградкарох будзе на вовторок, 19. януара на 17 годзин, тиж у Ресторанє „Червена ружа”. Як наявене, буду бешедовац представителє „Синдженти”, Польопривредней фаховей служби Зомбор и „Натрумикроконсалтинґу”.

У рамикох Жимскей школи за польопривреднїкох, хтору орґанизує „Юарбис”, нєшка на 10 годзин у просторийох подприємства представителє „РМГ Цроп Сциенце” буду презентовац свой бренд „Делфан” и други фолиярни гної за заградкарство, а будзе бешеди и о гибридох кукурици и слунечнїку нашенкових хижох „КЄС Семе” и „БЦ”.

7-Prepodavanje-02

ПОВЯЗАНИ ТЕКСТИ