КОЦУР – Всоботу, 7. фебуара, у „Пелетовей сали” у Коцуре отримани „Жатвов бал”, хтори орґанизовали члени КУД „Жатва”, а тема Балу була забивачка.
На Балє було коло 190 госцох котрим, попри меса и колбаси, були предложени и шкварки, гурка и крупи, як традицийна вечара на забивачки. Орґанизовани и интересантни танєчни бависка, а окремне дожице були прибранци, котри нащивели Бал глєдаюци дацо поєсц и попиц.
Госцох до позно вноци забавял тамбурови оркестер „Коцурски бетяре”, а главна награда на томболи була заградкова гомбалка, хтору вицагнул госц з Вербасу.
