ВЕРБАС – Дзецински тидзень у Вербаше вчера почал з отвераньом дзецинскей вистави у голу Центру за физичну културу „Драґо Йовович”, а у векшини вербаских школох було и упознаванє з Конвенцию о правох дзецка, та роботнї о дзецинских правох.
Медзи активносцами у рамикох Дзецинского тижня у вербаских и школох по местох општини буду орґанизовани квизи, кроси, гуманитарна акция „Дзеци децом”, вашар колачох, рижни нащиви институцийом, школярски парламенти, подобово колониї, представи, маскенбали.
Попри тим, на штварток у Велькей сали Скупштини општини Вербас будзе орґанизовани и Дзень отворених дзверох предсидателя Општини др Братислава Кажича, а под час тирваня Тижня, Културни центер Вербас на площи Николи Пашича кажди дзень од 9 до 16 годзин будзе пущац музику.