НОВИ САД – У новосадскей парохиї св. апостолох Петра и Павла влонї було штири винчаня (єдно вецей як 2017. року), осем кресценя, алє похована 31 особа.
– У прешлим року видзиме же ше зменшало число тих хтори примаю св. причасц, а до церкви ходзи одприлики исте число парохиянох – прекоментаровал парох новосадски о. Юлиян Рац.
– Драстичне тото же велї, аж 21 особа, умарли без св. тайни, хтору достали лєм дзешец особи пред шмерцу. Далєй, мож повесц же младих слабо єст, а кед слово о виронауки, потребна векша свидомосц родичох же би їх дзеци вибрали грекокатолїцку виронауку, же би им помогли приходзиц на наставу и же би их надпатрали у пестованю духовного живота – заключел парох о. Юлилян.