БЕОҐРАД – Кажда друга млада особа у Сербиї нє ма роботу, а заняти млади виложени рижним файтом експлоатациї, указую податки виглєдованя „Млади у Сербиї 2015”, чийо резултати представени на округлим столє „Як жию, до чого веря и чому ше наздаваю млади у Сербиї”.
Коавторка виглєдованя Драґана Станоєвич гварела же штварцина стаємно занятих и пиятина младих котри источашнє и робя и школую ше, робя вецей як 50 годзини тижньово, часто без надополнєня.
Вона додала же 7,4 одсто младих у Сербиї источашнє и роби и школує ше, а нєфлексибилносц системи образованя доприноши тому же два трецини младих у велькей мири материялно завиша од родичох.