ВЕРБАС – Општинска рада у Вербаше утвердзела правилнїк за безплатне хаснованє означених паркинґ-местох на явних парковалїщох за превозки особох з инвалидитетом и за видаванє ИПК карточкох.
З тим правилнїком предвидзени права на доставанє стандардизованей карточки з ознаку „Паркинґ карти за особи з инвалидитетом” за хаснованє резервованих паркинґ- местох, а ИПК налїпку видава Општинска управа Вербас – Оддзелєнє за дружтвени дїялносци.
Карточку ше видава на основи вимоги особи з инвалидитетом и медицинскей и другей потребней документациї хтору треба приложиц. ИПК карточка важи за означованє лєм єдней превозки, може го хасновац лєм особа з инвалидитетом, або єй провадзач, алє у присуству особи з инвалидитетом. Видава ше ю без надополнєня и за чечуци календарски рок.