ДЮРДЬОВ – У дюрдьовскей парохиї Рождества Пресватей Богородици вчера преславена Квитна нєдзеля по юлиянским календаре. На дополадньовей Велькей Служби Божей пошвецени багнїтки, а вирни их после тей, як и по Вечаршей Служби, однєсли до своїх обисцох.
У казанї на дополадньовей Служби Божей о. Михаил Холошняй гварел же Квитна нєдзеля вельке швето хторе нас пририхтує за найвекше християнске швето – Пасху.
Пред вчерайшима службами була споведз, а споведал дюрдьовски парох о. Йоаким Холошняй.
