СЕРБИЯ – Того мешаца би мал почац з роботу портал Министерства правди, на хторим гражданє годни опатриц чи маю нєвиплацени кари и достац инструкцию як вимириц таке длуство, а на основи нового Закона о потупеньох. Новосц же тоти котри нє плацели кару – нє годни достац одредзени документи, як цо то вожацка и транспортна дозвола (реґистрованє превозки).
Запровадзованє Закона подрозумює и умрежованє судох за потупеня, як и повязованє з Управу за трезор, Управу транспортней полициї и Централним реґистром обовязного социялного осиґураня.
Министерство правди пририхтало и Реґистер виновних поступкох, хтори почнє функционовац 25. януара. У системи буду податки о особох процив котрих ше водзи виновни поступок, а буду ше обнавяц кажди дзень на пол ноци.