СРИМСКА МИТРОВИЦА – Всоботу, 28. марца, у Сримскей Митровици отримана Спортска домияда на хторей участвовали екипи школярских Домох з цалей Войводини, медзи нїма и Дом Школи „Петро Кузмяк” з Руского Керестура. Керестурски интернат представяла хлапцовска екипа у малим фодбалє, дзивчатска екипа у кошарки и єдна школярка у штреляцтве.
Дзивчата у змаганю у кошарки участвовали у полуфиналним змаганю, а у конєчним пласманє завжали штварте место, док хлапци у малим фодбалє у конєчним пласманє завжали треце место и до Керестура принєсли погар и дипломи.
У штреляцтве ше за керестурски интернат змагала Невена Николич, котра тот спорт тренира у Оджаку, и освоєла треце место.
Екипу Дому школярох з Руского Керестура за тото змаганє порихтала и водзела Саня Тиркайла.
