Керестурски хор госцує у Словацкей

автор зам
804 Опатрене

РУСКИ КЕРЕСТУР/СНЇНА (СЛОВАЦКА) – Мишани хор Дому култури и Катедралней церкви св. о Миколая з Руского Керестура нєшка на вечар одходзи до Словацкей, дзе у Снїни участвує на 25. Фестивалє духовней писнї.

Фестивал 24. и 25. октобра орґанизує Союз Русинох-Українцох Словацкей, а Керестурци на ютре, 24. октобра, перше отримаю самостойни концерт духовней и народней шпиванки у месце Пихнє, нєдалєко од Снїни.

Пред участвованьом на спомнутим Фестивалє, на нєдзелю, 25. октобра Мишани хор з Керестура дополадня будзе провадзиц Службу Божу у Колоницох, пополадню перше буду мац приєм у приматора Снїни, а потим наступя и на Фестивалє духовней шпиванки. Хор и на тим госцованю шпива под руководительством дириґентки Лидиї Пашовей.

Вєдно з Хором до Снїни одходза и предсидатель Вивершного одбору Националного совиту Руснацох Желько Ковач, та предсидатель и подпредсидатель Созу Руснацох Українцох Сербиї Боґдан Виславки и Велимир Паплацко. Наявене же на програми Фестивалу у Снїни будзе присуствовац и наш апостолски еґзарх, владика Георгий Джуджар.

ПОВЯЗАНИ ТЕКСТИ