РУСКИ КЕРЕСТУР – Школяре керестурскей ОШ „Петро Кузмяк” Иван Рац и Даяна Рац завжали треци места у своїх катеґорийох на Окружним змаганю „Цо знаш о транспорту”, хторе вчера отримане у Апатинє, а екипа општини Кула, у хторей були и спомнути керестурски школяре, завжала перше место.
Иван Рац школяр пиятей класи и змагал ше у младшей катеґори, а Даяна Рац, школярка седмей класи, у старшей. З посцигнутим резултатом же, заш лєм, нє пласовали Републичне змаганє, за цо Даяни хибел лєм єден бод.
У обидвох катеґорийох ше вєдно змагали 24 школяре побиднїки з трох општинских змаганьох у Заходнобачким округу, у хторим єст коло 40 основни школи.
Прето успих керестурских школярох заж лєм барз добри, як за Рутенпрес гварел їх наставнїк Зденко Шомодї.