Тоту интересантну фотоґрафию з войнового часу послал нам Мирон Дудаш з Руского Керестура (народзени 1929. року), а на нєй зазначена хвилька кед 20. октобра 1944. року, русийски (совєтски) вояк пришол обявиц ошлєбодзенє Керестура од тедишнього окупатора. Сликоване у дворе валалскей хижи, а на право од вояка стоя о. Ириней Тимко, учитель Дюра Дудаш (оцец власнїка фотоґрафиї), о. Яким Сеґеди (познєйше преосвящени владика), а з воякового лївого боку о. Силвестер Киш. Була то барз значна вистка и радосц, цо видно по нашмеяних тварох присутних, а мож ю нагаднуц и по числу назбераних у валалскей хижи.
Най тота фотоґрафия будзе и здогадованє на дакедишнї означованя 20. октобра – Дня ошлєбодзеня Руского Керестура и местох у кулскей општини…