ЗАҐРЕБ – Руснацом у Заґребу всоботу, 24. октобра, успишно представена кнїжка композицийох Юлина Бучка „Лєм писня будзе далєй жиц”, дознава Рутенпрес од Бориса Бучка.
Шпиванки обявени у кнїжки на промоциї у Заґребу шпивали члени КУД-ох „Яким Ґовля” з Миклошевцох, „Яким Гарди” з Петровцох, Дружтва „Руснак” з Петровцох и Михал Голик, а провадзел их здружени оркестер КУД „Яким Гарди” з Петровцох и КУД Руснацох з Осиєку.
Представянє кнїжки орґанизовал и оможлївел Представитель рускей националней меншини Городу Заґреб мр Ириней Мудри, а отримана є у просторийох Представителя.
Попри Руснацох зоз Заґребу, на промоциї присуствовали и член Совиту за национални меншини Републики Горватскей Звонко Костелник, котри и секретар Союзу Русинох РГ, и предсидателька Союзу Русинох РГ Дубравка Рашлянин.
