КОЦУР – У Пелетовей сали у Коцуре всоботу, 6. фебруара, отримани традицийни „Жатвов бал”, у орґанизациї Културно-уметнїцкого дружтва „Жатва”. На Балє були коло 200 госци, а тема вечара була дисновтор.
Попри Коцурцох, медзи госцами були и госци з Руского Керестура, Савиного Села, Бечею, Кули и Нового Саду, а грал тамбурови оркестер „Коцурски бетяре”.
Була орґанизована и томбола, за хтору дарунки даровали числени спонзоре, а главну награду – бициґлу, хтора пошла до Нового Саду, обезпечел Орґанизацийни одбор Балу.
