„Комуналцу” хаснователє длужни 13 милиони

автор апм
753 Опатрене

ВЕРБАС – Явне комуналне подприємство „Комуналєц” з Вербасу на вецей як 3 000 адреси хасновательох послало опомнуца пре длуство. Поглєдованя за випоручени услуги тераз виноша 13 милиони динари, сообщене зоз Служби обрахунку и наплацованя того подприємства.

Як визначене у сообщеню, опомнуца пре поєдинєчне длуство достаню 2 788 ґаздовства и 253 установи и подприємства и маю их вимириц у чаше од 30 днї, бо им у процивним услуги буду застановени.

Длужнїки котри опомнути ище скорей, а длуство нє вимирели, буду виключени з водоводней мрежи, а штири екипи Дїловней єдински „Водовод и канализация” уж на терену.

З ЯКП здогадую же з одлуку о витворйованю комуналней дїялносци, надополнєнє за випоручену воду – до три кубики по членови ґаздовства, мешачно нє плаца штири катеґориї – старацки ґаздовства з мешачнима приманями меншима од социялней помоци за єдночленове ґаздовство, польопривредни старацки ґаздовства, як и хаснователє фамелийней инвалиднини и социялней помоци.

ПОВЯЗАНИ ТЕКСТИ