Конкурс за дотациї оґанизацийом етнїчних заєднїцох

автор сен
719 Опатрене

НОВИ САД – Покраїнски секретарият за образованє, предписаня, управу и национални меншини-заєднїци розписал конкурс за додзельованє средствох орґанизацийом етнїчних заєднїцох у Автономней покраїни Войводини (АПВ), за софинансованє порядней дїялносци, проєктох, орґанизованє манифестацийох и набавку опреми.

За конкурс опредзелєни 31 милион динари, а ношителє проєктох у рускей националней меншини годни достац вєдно милион 500 000 динари.

Конкурс ше одноши лєм на реґистровани правни особи – орґанизациї и здруженя хторим шедзиско на териториї АПВ, а дїялносц им вязана за очуванє и пестованє националного и културного идентитету, або очуванє и унапредзованє медзинационалней толеранциї.

Приявиц ше мож по 3. април 2015. року, а прияви муша буц на окремних конкурсних формуларох Секретарияту. О правилох конкурованя, упутствох и потребней документациї мож ше поинформовац у просторийох Секретарияту, лєбо опатриц на сайту www.ounz.vojvodina.gov.rs

ПОВЯЗАНИ ТЕКСТИ