Конкурс за младежски волонтерски проєкти у трох округох

автор сен
1.2k Опатрене

ЗОМБОР – У рамикох програми „Млади закон“ Зомборски едукативни центер, з потримовку Министерства младежи и спорту, розписал конкурс за (со)финансованє младежских волонтерских проєктох на териоториї Заходнобачкого, Южнобачкого и Сримского округу. Конкурс розписани по 10. юлий.

Здруженя и нєформални ґрупи младих можу конкуровац з волонтерскима проєктами з обласци защити животного штредку, ушореня явних просторох дзе млади препровадзую шлєбодни час, з обласци орґанизованя активносцох за младих, промоциї медзиґенерацийного сотруднїцтва, гуманосци, толеранциї, потим з обласци очуваня културного скарбу, здравого и безпечного способу живота у своїм штредку. Проєкти хтори достаню средства муша буц витворени од 12. авґуста по 31. октобер 2016. року.

Програму „Млади закон“ ше витворює треци рок за шором, а порушана є пре приблїжованє активизму и волонтеризму младим.

За потримовку младежских волонтерских активносцох видвоєни вєдно милион динари за шицки три округи, а вредносц єдного проєкту може буц од 40 000 до 100 000 динари.

ПОВЯЗАНИ ТЕКСТИ