БЕОҐРАД – Задужбина „Доситей Обрадович“ розписала конкурс за найлєпши, дотераз нє обявени роботи младих авторох до 30 роки. На конкурс „Доситейово златне пирко“ мож конкуровац з литературнима файтами хтори Доситей уведол до сербскей литератури, а то есей, басна, драгопис и кратка приповедка.
Конкурс отворени по 1. юний. Авторе можу послац найвецей три нєобявени роботи у штирох прикладнїкох, на адресу – Задужбина „Доситей Обрадович“, Змай Йовова 4/II, Беоґрад, або zaduzbinadositej@open.telekom.rs або info@dositejeva-zaduzbina.rs При посиланю треба назначиц полне мено и презвиско, датум родзеня, адресу и контакт телефон.
Три найлєпши роботи буду обявени у Рочнїку „Доситейова заградка“, а награди буду уручени у септембре, у рамикох манифестациї „Днї европского скарбу“.