КОЦУР – Музична школа „Музични куцик” вчера вечар у велькей сали Месней заєднїци у Коцуре отримала Новорочни концерт, з хторим школяре закончели полроче. На концерту участвовал 31 школяр, а композициї виводзени на клавиру, гармоники и виолини.
Школяре од штири до штернац роки розличного уровню музичного образованя виведли вельке число композицийох соло, у дуету и у ґрупи, а за тоту нагоду пририхтали их наставнїки Каталина Зубич, Наташа Савич, Невена Шимшич, Дьордє Недельков, Дуня Палич, Наталия Ґоловачук Марушич и Ядранка Николич Джаферович.
Школяре на концу програми и як хор виведли вецей шпиванки, а док шпивали нащивел их Дїдо Мраз и подзелєл им пакецики.
