РУСКИ КЕРЕСТУР – Прави жимски днї зоз шнїгом и температуру у минусу, хтори и у Керестуре були од початку того тижня, любителє жимскей розваги оможлївели поуживац на шнїгу и ляду.
Накадзи змарзло, на Данчовей долїни ше позберали керестурски гокеяше розличних ґенерацийох, на чолє з наставнїком физичного Славком Папом и його фамелию, алє, тза тераз, нагоди за гокеяшски змаганя мали лєм два днї, бо пре роснуце температури позавчером ляд почал одмекац.
Дзекуюци шнїгу и лядовици на драгох и дражкох, на валалских улїцох було санканя на малих, алє и на вельких санкох, хтори запрагнул член Конїцкого клубу „Русин” Желько Папуґа.
