Коцурска школа наградзена у проєкту „За чистейши и желєнши школи у Войводини”

автор зам
1.2k Опатрене

СРИМСКИ КАРЛОВЦИ/КОЦУР – Основней школи „Братство єдинство” з Коцура вчера уручена награда у рамикох тогорочного циклусу програми з меном „За чистейши и желєнши школи у Войводини”, пишу портали Покраїнскей влади и Општини Вербас.

Награди найлєпшим воспитно-образовним установом вчера уручени у Карловацкей ґимназиї у Сримских Карловцох, а придали их покраїнски секретар за образованє Михаль Нїлаш и покраїнски секретар за защиту животного штредку Слободан Пузович.

Програму „За чистейши и желєнши школи у Войводини” ше витворює уж седем роки, а пре розвиванє и унапредзованє роботи у обласци защити животного штредку. На тогорочни конкурс ше приявели 89 воспитно-образовни установи, з хторих 63 запровадзели плановани активносци.

Спомедзи 63-ох предшколских, основношколских, штредньошколских, музичних и специялних установох вибрани 15 найуспишнєйши у витворйованю активносцох у спомнутей обласци, медзи нїма и коцурска школа, а за награду достали вилєти, як и опрему за наставу.

ПОВЯЗАНИ ТЕКСТИ