Коцурски парасти нєзадовольни з тогорчним справованьом цукровньох

автор тах
739 Опатрене

КОЦУР – Коцурски парасти ше вше менєй одлучую за продукованє цукровей цвикли, насампредз пре малу цену, хтора того року 3,70 динари за килу и нє покрива трошки продукциї, алє и пре вельке нєдовириє до цукровньох, кед у питаню одбиванє на квалитет цвикли.

Подприємство „Матаґрар” зоз Змаєва у Коцуре ма вецей кооперантох котри продукую цукрову цвиклу и гваря же тот рок бул на уровню штреднїх. Проблем у припознаваню  диґестиї, бо є польопривреднїком оценєта на 11-12 одсто, док вони твердза же є найменєй 14-15 одсто.

Одбитки на нєчистоту були 10-20 одсто, док коцурски продукователє думаня же є штреднє коло 7 одсто, так же свою цвиклу анализовали у приватних лабораторийох у жеми и иножемстве, хтори потвердзели же су у праву, алє цукровнї нє пременєли становиско.

Пре меншу цену як прешлого року, та други нєвигодни условия з цукровньох, коцурски парасти барз огорчени и як гварели за Рутенпрес – мало з нїх ше нарок опредзелї за продукцию цукровей цвикли.

ПОВЯЗАНИ ТЕКСТИ