Кулянци з дзецинску представу госцовали у Словацкей

автор зам
952 Опатрене

КУЛА/МИХАЛОВЦИ (СЛОВАЦКА) – Дзецинска драмска ґрупа Руского КУД „Др Гавриїл Костельник” з Кули од 21. по 24. юний госцовала у Словацкей, у Михаловцох, на поволанку Фестивалу „Михаловски дески”, хтори у тим месце орґанизує Дом словацкей матки.

Дзеци з Кули представу Роберта Такарича „Маче, любим це як цо качка люби каче”, у режиї Александри Лендєр з Вербасу, у рамикох Фестивалу виведли за своїх парнякох у основних школох у Михаловцох и месце Вине, як и у Доме култури у Теплицох (дакедишнїм Керестуре) и як за Рутенпрес гварела помоцнїца режисерки у тей представи и членїца Управи кулского Дружтва Амалия Ковач, вшадзи були барз добре прияти, дзеци розумели їх представу, аж су наградзовани и з аплаузами на отвореней сцени.

Одход и шицки трошки пребуваня дзецинского ансамблу з Кули финансовал орґанизатор Фестивалу – Дом словацкей матки з Михаловцох, запровадзени и одредзени контакти, а источашнє то було и перше госцованє аматерох кулского Руского КУД у Словацкей.

ПОВЯЗАНИ ТЕКСТИ