КОЦУР – Треца провадзаца програма Фестивалу „Коцурска жатва” бул Литературно- музични вечар у дворе Етно клубу „Одняте од забуца”, на хторим представени три нови кнїжки у виданю НВУ „Руске слово” – збирки поезиї „Осце и черешнї” Агнети Папгаргаї и „Слово Бояна Двокраяна” Владимира Бесерминя, та збирка критикох и рецензийох „Галов” Ирини Гарди Ковачевич.
Модератор програми бул Микола Шанта, а вечар бул преткани з поезию хтору читали Александра Лендєр, Мелания Мали, Наташа Шовш и Марина Кухар, та шпиванками хтори шпивали Танита Ходак, Валентина Югас, Ивана Малїк, Таня Буїла и Миленко и Владимир Тамашово.
О кнїжки „Осце и черешнї” Агнети Папгаргаї бешедовала єй рецензентка Олена Планчак Сакач, а о кнїжкох „Слово Бояна Двокраяна” Владимира Бесерминя и „Галов” Ирини Гарди Ковачевич бешедовал Микола Шанта.
Вецей фотоґрафиї на правим боку нашого сайту у окремней ґалериї з Фестивалу „Коцурска жатва 205”.