Лїченє ище и зоз стару кнїжочку

автор зам
1.1k Опатрене
БЕОҐРАД – Дзеци, ваготни жени и положнїци, як и пензионере котри маю тирвацу здравствену кнїжочку, по доставанє новей електронскей здравствене карточки можу нормално витворйовац право на здравствену защиту гоч им стари здравствени кнїжочки нє оверени и їм ше нє видава потвердзенє о придаваню вимоги за правенє новей карточки, сообщели з Републичного фонду за здравствене осиґуранє.
Од 1. януара Фонд вецей нє будзе видавац и оверйовац стари здравствени кнїжочки, а гражданє котри пред 1. януаром 2017. року оверели стари кнїжочки и придали вимогу за правенє новей – можу ше лїчиц зоз стару кнїжочку, по доставанє новей.
Тоти котрим овера вишла, а тиж придали вимогу за доставанє новей карточки, лїченє можу витворйовац з потвердзеньом хторе достали при придаваню вимоги за нову карточку, сообщели з Фонду.
Термин за придаванє вимогох за замену здравствених кнїжочкох виходзи нєшка, 31. децембра, алє з Републичного фонду гварели же вимоги буду примац и по Новим року.

ПОВЯЗАНИ ТЕКСТИ