Маломатурантом шветочно подзелєни свидоцтва

автор тах
830 Опатрене

КОЦУР – За малих матурантох Основней школи „Братство єдинство” з Коцура вчера у Велькей сали Дому култури орґанизована шветочносц на хторей им подзелєни свидоцтва о законченим основним образованю, школярски кнїжочки и дипломи хтори здобули под час школованя.

Шицких присутних на початку привитала директорка Школи Славица Байор, котра и повинчовала школяром на успиху у Основней школи и пожадала им вельо щесца у дальшим образованю и у живоце.

Школяре седмих класох о каждим маломатурантови пречитали даскельо виреченя, класни старшини им уручели свидоцтва, кажди матурант достал и ружу, а найуспишнєйши и кнїжки.

Зоз 47 школярох у тей ґеренерациї 10-еро здобули Вуково дипломи, цала ґенерация похвалєна як окреме успишна по резултатох у образованю, а за школяра ґенерациї преглашени Марко Буила.

Пред нїма тераз покладанє Закончуюцого испиту пред уписом до штреднєй школи.

ПОВЯЗАНИ ТЕКСТИ