РУСКИ КЕРЕСТУР – Пре нєвигодну, дижджовну хвилю, того року у Руским Керестуре на Швето роботи було мало вилєтнїкох на популарних вилєтних местох – на базену и на вецей местох коло беґелю.
За вилєт през першомайски швета ше одлучели углавним младши, медзи нїма найвецей школяре основней школи и штредньошколци, котри ище пред 1. майом вецей днї пририхтовали шатри и простори за кампованє.
Як дознава Рутенпрес, ЯКП „Руском” и того року пред шветом покошело траву на вилєтних местох у валалє.