Мая Ґойкович: Ришиме питанє финансованя Войводини

автор ртв
1.2k Опатрене

НОВИ САД – Предсидателька Скупштини Сербиї Мая Ґойкович за Радио-телевизию Войводини гварела же у предстояцим периодзе будзе инсистовац на сотруднїцтве републичней и покраїнскей власци у вязи з пририхтованьом закона о финансованю АП Войводини и других нєришених питаньох. Вона твердзи же до застою у тим поглядзе нє пришло пре Владу Сербиї, алє пре, як гварела – „нєфункционованє Покраїнскей влади”.

– Добре сотрудзуєм з предсидательом покраїнского парламенту Иштваном Пастором. Маме и догварку зоз Союзом войводянских Мадярох, хтори наш коалицийни партнер на републичним уровню, же би ше почало сущно ришовац проблеми и приношиц закони, медзи хторима и о финансованю АПВ, як и други питаня хтори ше нє ришує уж 12 роки – гварела Мая Ґойкович у емисиї „Политбиро” РТВ.

Вона додала же би добри приклад сотруднїцтва було посцигованє догварки о усоглашованю Статута АПВ з Одлуку Уставного суду Сербиї.

ПОВЯЗАНИ ТЕКСТИ