ИНДЇЯ/РУСКИ КЕРЕСТУР – Двойо школяре керестурскей ґимназиї „Петро Кузмяк” – Александра Дїкич и Ґлориян Штранґар освоєли медалї на Школским першенству Войводини у поєдинєчней конкуренциї у каратеу котре отримане прешлого викенду у Индїї.
Александра Дїкич у катеґориї до 59 кґ завжала 1. место, а Ґлориян Штранґар у катеґориї до 70 кґ завжал 3. место.
Обидвойо представяли керестурску школу, а з тим пласманом обезпечели наступ на Школским першенству Сербиї.
Обидвойо каратисти тренираю у КК Гайдук у Кули, а зоз того клубу тот дзень на змаганю участвовали вкупно 36-еро, и вкупно освоєли 14 медалї – 4 златни, 5 стриберни и 5 бронзово.