НОВИ САД – Високе образованє у Войводини ше витворює на 14 високошколских установох у составе Универзитету у Новим Садзе. У академским 2014/2015. року на основни студиї ше уписали 41 838 студенти, цо 477 менєй як рок пред тим – сообщела Покраїнска влада.
Зоз спомнутого числа перши рок уписал 9 471 студент, други рок 7 163, а треци рок 7 103 студенти. Студентох штвартого року єст найвецей – 11 771, на пиятим их єст 434, шестим 297, а статус абсолвента маю 5 619 студенти.
З буджету ше финансує 52,24 одсто студентох, а остаток ше финансує самостойно.
На мастер студиї академского 2015/2016. року ше уписали 3 306 студенти, спомедзи котрих ше 72,86 одсто школую о трошку держави.